অৱলোকন

প্ৰত্যেক ব্যক্তি যিয়ে গুৱাহাটী মহানগৰ ক্ষেত্ৰৰ অন্তৰ্গত এলেকাৰ অধীনত অৱস্থিত অট্টালিকাৰ উত্থান নতুবা পুনৰ উত্থান কৰিবলৈ বিচাৰে নতুবা কোনো ঠাইত অৱস্থিত অট্টালিকাৰ সালসলনি কৰিবলৈ বিচাৰে নতুবা কোনো ভূখণ্ড স্থানান্তৰ নতুবা বিভক্ত কৰিবলৈ বিচাৰে তেওঁ এই কাৰ্য্যৰ অনুমতিৰ বাবে গুৱাহাটী অট্টালিকা নিৰ্মাণ আইনৰ অধীনৰ ১ নং প্ৰ-পত্ৰত গুৱাহাটী অট্টালিকা নিৰ্মাণ উপনিয়ম ২০১৪ ৰ সূচী ১ ত নিৰ্ধাৰিত মাচুলেৰে সৈতে গুৱাহাটী মহানগৰ উন্নয়ন কৰ্তৃপক্ষৰ মুখ্য কাৰ্য্যবাহী বিষয়ালৈ অনলাইনযোগে আবেদন কৰিব লাগে। গুৱাহাটী মহানগৰ উন্নয়ন কৰ্তৃপক্ষৰ পঞ্জীকৃত কাৰিকৰী ব্যক্তিৰ জৰিয়তে আবেদনকাৰীয়ে অনলাইনযোগে কাউণ্টাৰ কেৰাণীলৈ আগবঢ়াই দিব লাগে।

যোগ্যতাৰ মাপকাঠি:

আবেদনকাৰী ব্যক্তিগৰাকীৰ বসবাসৰ স্থানৰ আটাইবোৰ নথিপত্ৰ থাকিব লাগিব।

প্ৰ-পত্ৰ পূৰ কৰাৰ নিৰ্দেশনাৱলী:

আবেদনকাৰীয়ে প্ৰ-পত্ৰ দাখিল কৰাৰ সময়ত আটাইবোৰ নথিপত্ৰ আগবঢ়াব লাগিব। অনলাইনযোগে আবেদন কৰিলে নথিপত্ৰসমূহ স্কেন কৰি সাজু কৰি তুলিব লাগিব।

মাচুল:

আৰচিচি অট্টালিকাৰ ভূমি মহলাৰ বাবে আবেদন মাচুল প্ৰতি বৰ্গমিটাৰত ১০/-টকাকৈ আৰু ওপৰ মহলাৰ বাবে প্ৰতি বৰ্গমিটাৰত ২০/-টকাকৈ নিৰ্ধাৰণ কৰা হয়। এপাৰ্টমেণ্ট, বিদ্যালয় আৰু অন্যান্য ধৰ্মীয় প্ৰতিষ্ঠানৰ ভূমি মহলাৰ বাবে প্ৰতি বৰ্গমিটাৰত ২০/-টকাকৈ আৰু ওপৰ মহলাৰ বাবে প্ৰতি বৰ্গমিটাৰত ২৪/-টকাকৈ নিৰ্ধাৰণ কৰা হয়। বাণিজ্যিক আৰু উদ্যোগিক ভৱনৰ বাবে বসবাসৰ বাবে নিৰ্মিত ভৱনৰ মাচুলতকৈ ক্ৰমে চাৰিগুণ আৰু আঠগুণ মাচুল স্থিৰ নিৰ্ধাৰিত। বিতংকৈ জানিবৰ বাবে, গুৱাহাটী অট্টালিকা নিৰ্মাণ আইনৰ উপনিয়ম ২০১৪ ৰ সূচী ১ দৰ্শন কৰক।

প্ৰয়োজন হোৱা নথিপত্ৰসমূহ:

• সংশ্লিষ্ট জিলাৰ প্ৰস্তাৱিত ক্ষেত্ৰৰ দাগ নং, পট্টা নং, ৰাজহ গাওঁ, মৌজা আৰু নগৰৰে সৈতে বিৱৰণ।
• প্ৰাকৃতিক খাল, পানী প্ৰবাহিত হোৱা নলা, ৰাস্তা আৰু ভূখণ্ডৰ প্ৰদৰ্শন কৰা ক্ষেত্ৰৰ মূল পৰিকল্পনা।
• সৰ্বনিম্ন ১:২০০ স্কেল আকৃতিৰ ক্ষেত্ৰ পৰিকল্পনাৰ নক্সা প্ৰস্তুত।
• মিটাৰৰ হিচাপত অংকিত সৰ্বনিম্ন ১:১০০ স্কেলৰ অট্টালিকা পৰিকল্পনা।
• প্ৰস্তাৱত আগবঢ়োৱা প্ৰকাৰ প্ৰ-পত্ৰ ১১, প্ৰ-পত্ৰ ২৪ আৰু প্ৰ-পত্ৰ ২৫ ত ব্যৱহাৰ হ’বলগীয়া সামগ্ৰীৰ শ্ৰেণীৰ বিতং হিচাপৰ সৈতে প্ৰস্তাৱিত নিৰ্মাণ কাৰ্য্যৰ সাধাৰণ বিৱৰণ। এয়া সংশ্লিষ্ট পঞ্জীকৃত কাৰিকৰী বিষয়া ৰ দ্বাৰা বিধিগতভাৱে স্বাক্ষৰিত হ’ব লাগিব আৰু কাউণ্টাৰচাইন আবেদনকাৰীৰ দ্বাৰা স্বাক্ষৰিত হ’ব লাগিব।
• ১২ ছেপ্টেম্বৰ ২০০৮ ৰ পিছত সম্পত্তিৰ মূল্যায়ন/পুনৰ মূল্যায়ন হোৱা বুলি কৰা স্ব-ঘোষণা।
• প্ৰ-পত্ৰ ৮, প্ৰ-পত্ৰ ৯ আৰু প্ৰ-পত্ৰ ১০ ত গুৱাহাটী অট্টালিকা নিৰ্মাণ (আইন) উপনিয়ম ২০১৪ ৰ পৰিদৰ্শন প্ৰমাণপত্ৰ।
• গুৱাহাটী অট্টালিকা নিৰ্মাণ (আইন) উপনিয়ম ২০১৪ ৰ প্ৰ-পত্ৰ ৭ ত গঢ়ন অভিযন্তাই পৰিদৰ্শন কৰাৰ পিছত অট্টালিকাৰ ভূমি মহলাৰ পৰা তৃতীয় মহলালৈ সুৰক্ষিত বুলি প্ৰদান কৰা প্ৰমাণপত্ৰ।
• (গুৱাহাটী অট্টালিকা নিৰ্মাণ উপনিয়ম ২০১৪ ৰ অনুবন্ধ ৫) অনুসৰি এক উদ্যোগ য’ত মাটিৰ গৰাকীয়ে নতুবা পাৱাৰ অভ এটৰ্ণি ধাৰকে নতুবা নিৰ্মাতা নতুবা আবেদনকাৰীয়ে প্ৰয়োজন হ’লে পথ বহল কৰা কাৰ্য্যত কোনো ক্ষতিপূৰণ নোলোৱাকৈ মানি লোৱাৰ স্বৰ্তত স্বাক্ষৰ কৰিব লাগে। এই নিয়ম ভংগ কৰিলে গুৱাহাটী পৌৰনিগম আইন ১৯৭১/গুৱাহাটী মহানগৰ উন্নয়ন কৰ্তৃপক্ষ আইন ১৯৮৫ অনুসৰি কৰ্তৃপক্ষই ইয়াৰ বিৰুদ্ধে ব্যৱস্থা গ্ৰহণ কৰিব পাৰে।
• উল্লিখিত বিষয়সমূহ ঘোষণা কৰি আবেদনপত্ৰৰ সৈতে এফিডেভিট গাঁথি দিব লাগে: (ক) ভূমিৰ সবিশেষ।, (খ) মাটিৰ গৰাকী স্বত্ব।, (গ) অনুমোদিত পৰিকল্পনা অনুসৰিয়েই নিৰ্মাণ কাৰ্য্য সম্পন্ন কৰিব বুলি শপতনামা।, (ঘ) বিদ্যুত সংযোগ স্থাপন কৰাৰ আগতে নিৰ্মাণ কাৰ্য্য সম্পূৰ্ণ হোৱা বুলি প্ৰমাণপত্ৰ দিব বুলি শপতনামা।, (ঙ) অধিকাৰ কৰিবলৈ প্ৰমাণপত্ৰ লাভ নকৰা পৰ্যন্ত আবেদনকাৰীয়ে অট্টালিকাটো অধিকাৰ নকৰাৰ ঘোষণা। (চ) কৰ্তৃপক্ষক আগতীয়াকৈ অৱগত নকৰাকৈ তেওঁলোকে অট্টালিকাৰ নিৰ্মাণৰ সময়ছোৱাত আৰটিপি সলনি নকৰে বুলি ঘোষণা আৰু যদি আৰটিপি সলনি কৰেও ইয়াৰ বাবে আবেদনকাৰীয়ে পূৰ্বৰ ‘আৰটিপি’ ৰ আনুষ্ঠানিকতা পূৰ কৰিহে এয়া কৰিব পাৰিব।
• সঠিককৈ খাজনা প্ৰদান কৰি থকা খাজনাৰ শেহতীয়া ৰচিদ দাখিল কৰিব লাগিব। অট্টালিকাৰ ক্ষেত্ৰত প্ৰযোজ্য।
• বসবাস কৰা ভূমি/মাটিৰ অংশ বিক্ৰীৰ ক্ষেত্ৰত এই ভূমিৰ ১০% অঞ্চল ইডব্লিউএছ বৰ্গৰ বাবে সংৰক্ষণ কৰিব লাগে। ইয়াৰ বাবে সৰ্বোচ্চ ভূমিখণ্ডৰ আকাৰ হ’ব লাগে ১.৫ হেক্টৰ বা তাতোকৈ অধিক আৰু ‘ইডব্লিউএছ’ ৰ বাবে সৰ্বনিম্ন ভূমিখণ্ডৰ আকাৰ ৯০ বৰ্গমিটাৰতকৈ কম হ’ব নালাগিব আৰু ১২০ বৰ্গমিটাৰতকৈ অধিক হ’ব লাগিব।
• গৰাকী বা উন্নয়নকৰ্তাক বেলেগ বেলেগকৈ উল্লিখিত ইউনিটসমূহ সাজিবলৈ স্বাধীনতা প্ৰদান কৰা হয়। ইয়াত গৰাকীয়ে ‘এলআইজি’ ৰ পৰিৱৰ্তে ‘ইডব্লিউএছ’ ৰ বিকাশ সাধনৰ অনুমতি লাভ কৰে।
• যদি ঘৰ/ফ্লেট/এপাৰ্টমেণ্টসমূহ ব্যক্তিগত নিৰ্মাণকাৰীৰ দ্বাৰা নিৰ্মাণ কৰা হয় তেতিয়াহ’লে আৰু এডব্লিউএছ/এলআইজি ৰ বাবে তেওঁলোকে চাবছিডি মূল্যত আগবঢ়ায় তেতিয়া এই সংশ্লিষ্ট নিৰ্মাণকাৰী সকলে অতিৰিক্ত এফএআৰ ১০ শতাংশৰ পৰা ২৫ শতাংশলৈ ‘এফএআৰ’ ৰ প্ৰাসংগিক ভূমি ব্যৱহাৰৰ নিৰ্দিষ্ট শতাংশ অনুসৰি প্ৰদান কৰিব লাগে।

আটাইবোৰ পৰিকল্পনা আৰু নক্সাত গৰাকী আৰু গুৱাহাটী পৌৰনিগম, গুৱাহাটী মহানগৰ উন্নয়ন কৰ্তৃপক্ষ নতুবা কাউন্সিল অভ আৰ্কিটেকচাৰৰ পঞ্জীকৃত পৰিকল্পনা প্ৰস্তুতকাৰী যেনে এগৰাকী পঞ্জীকৃত স্থপতিবিদ নতুবা এগৰাকী স্নাতক চিভিল অভিযন্তাই স্বাক্ষৰ কৰিব। গুৱাহাটী অট্টালিকা নিৰ্মাণ উপনিয়ম ২০১৪ ৰ অনুবন্ধ ২ ৰ নিয়ম অনুসৰি বিশেষৰূপে অনুমতি লাভ কৰিলেহে পঞ্জীকৃত স্থপতিবিদ, চিভিল অভিযন্তাই ইয়াত স্বাক্ষৰ কৰিব পাৰে।

কেনেকৈ আবেদন কৰিব: